200%-a kan inpek a ngai - Reims coach

French Ligue 1 club Reims coach Olivier Guegan chuan Inrinni zan dar 9:30-a Paris Saint-Germain nen an inkhelh hunah point hlawh chhuak turin a naute chu 200% tala an inpekna a san a ngaih thu a sawi.

Champion lai PSG hian an title an hum chiang tawha ngaih a ni a, match 26 khelh tawh aṭanga point 70 hmu tawhin an hnaui chiaha awm Monaco chuan point 46 chauh an la hmu. Zanina an mikhual tur Remis nen an inthlauhna chu point 41 a ni.

PSG hlauhawm zia hre reng chungin Reims coach Guegan chuan, "France rama stadium changkang leh mawi ber pakhat hmuna player
ṭha awmkhawmte nena in-khelh hi ka nauten an chak tawh a, mahse point hlawh chhuak tur chuan 200% velin an rilru an sen a ngai ang," tiin Parc des Princes hmuna point hlawh chhuah harsat zia a sawi.