Rafael Nadal an dal leh ta

Rafael Nadal-a'n beisei a phak lo tluang zel, Inrinni zan khan Pab-lo Cuevas hneh loin Rio Open semifinal aṭangin hnawhchhuah a ni leh ta.

World number 5 Nadal hi world number 45 Cuevas lakah darkar thum leh minute 28 chhungin 6-7, 7-6, 6-4 in a chak lo. Spanish tlangval Nadal hian break point vawi 13 a hmuh aṭangin vawi hnih chiah a chhawr ṭangkai thei a, vawi 33 ngawt unforced errors a nei bawk a ni.

'King of Clay' tia hming lem an vuah Nadal hian a khelh thiamna Clay Court-ah pawh beisei a pak lo rih a, thla tir lam khan Argentina Open-ah a lo chak lo tawh a, Brazil-ah champion nomawi a chawi thei lo leh bawk.

Grand Slam vawi 14 cham-pion tawh Nadal hian ATP final vawi 100 khel tling tur chuan tournament dang a nghah leh rih a ngai dawn ta a ni.

Brazil Open hi tukin zing dar 3:00 khan khelh niin Cuevas leh semifinal leh lama Dominic Thiem hnehtu Guido Pella te an inhmachhawn a ni.