United-in hliam an ngah

Manchester United goalkeeper David de Gea chuan zanin dar 1:15 a FA Cup fifth round-a League One club Shrewsbury a hma-chhawn ve thei dawn lo.

Spain keeper hian Europa League-a FC Midtjylland an hneh loh ṭumin a khup a ti na a, ani bakah hian captain Wayne Rooney chuan hliam a tuar mek bawk. United hian an player pawimawh pahnih bakah hian hliam dang 12 zet an la nei mek.

Shrewsbury hian Manchester United aṭanga inzir chhuak Larnell Cole an kawl a, kum 22-a upa midfielder hi a ṭhâl na vanga match thum a inkhelh theih loh hnuah squad-ah a lo kir leh tawh a, zanin hian a club hlui a hmachhawn rin a ni.

Manager Louis van Gaal hnuaiah United hian beisei ang result an nei hlei thei lo a, inelna hrang hrangah an match hnuhnung 18 aṭangin vawi nga chiah hnehna an chang. Zanin an hmachhawn tur Shrews hian FA Cup-a an match hnuhnung pasarihah vawi nga ngawt goal an chhuah loh avangin club pahnihte intawn vawi khatnaah hian chak zawk tur sawi lawk theih a ni lo.