Meghalaya dinhmun a Ṭha
Inrinni khan Santosh Trophy North East Zone Qualifier Group B chu Lammualah khelh chhunzawm a ni a, Meghalaya leh Assam te chiahin final round luh beiseina an nei tawh.
Assam-in Sibra Narzary leh Mizo tlangval Jessy Vanlalmuana te goal hmangin Tripura hneh mah se inkhel hnuhnung zawkah Meghalaya-in 4-1 zeta Nagaland an sawp avangin final round lut turin Mizo coach Lalhmingthanga Darlong hote dinhmun a ṭha zawk.
Meghalaya tan hian Victor Shadap, Teiborlang Siangshai, Bansharai Sun leh Samson Nongrum ten goal an khung a, goal difference hmanga Group B hmahruaitu niin final round lut turin match hnuhnung berah Assam laka point khat hlawhchhuah a tawk.