New Serchhip an thiam ber

Nimin khan Serchhip District Football Cham-pionship chu khelh zawh a ni a, New Serchhip FC chuan FC Serchhip Kawn-pui 2-1 a hnehin an champion.

Khawtetlang Field-a inkhelah Kawnpui lam tan Laltlanthanga chuan first half-ah goal hmahruai a khung a, second half-ah New Serchhip lam hian H Lalrempuia leh H Lalremruata hmangin an chhang let a ni.

Serchhip District Foot-ball Association buat-saih he inelnaah hian team pariat an tel a, group hnihah ṭhen niin an inkhelh kual hnuah a sang paliin semifinal an lut a ni.

New Serchhip midfiel-der Remlalruata chu best player a thlan a ni a, goal ruk khungtu Remruata chu top scorer a ni bawk, final-a chak lo zawk FC Serchhip Kawnpui chuan fair play lawmman an dawng ve bawk.