Rio Open champion Pablo Cuevas

Rafael Nadal a hneh hnuah Pablo Cuevas chuan Guido Pella lak-ah hnehna chang chhun-zawmin Rio Open champion nomawi a chawi a, ATP title pali a lakna chiah a ni. A title zawng zawng hi Clay Court-ah vek a ni.

Pathianni zana final khelhah Cuevas hian darkar hnih leh minute 16 chhung ngawt an in-hmachhawn hnuaha 6-4, 6-7, 6-4 in hnehna a chang.

Kum 30-a upa Cuevas chuan, "Final-ah hian mipui hian Rafa hmuh an inbeisei tih ka hria, mahse ka tan chuan vawiin hi a hlimawmin a hlu hle a. Kan ram Uruguay mipui pawh an lawm ngei ka ring," tiin a sawi.

Rio Open ṭan hma khan Cuevas hi ATP rangking-ah 45-na a ni a, ranking chhuak thar berah chuan number 27 dinhmun a rawn luah chho dawrh tawh ang.

Hmeichhe lamah French Open champion hlui Francesca Schiavone chuan American Shelby Rogers lakah 2-6, 6-2, 6-2 in hnehna a chang a, WTA title pasarih a lakna chiah a ni.