FIFA-in Beckenbauer a zilh

Player leh coach nichunga World Cup-a Germany champion puitu Franz Beckenbauer chu FIFA ethics committee chuan pawisa an chawi tir bakah a nungchang fimkhur turin an zilhhau.

Kum 70-a upa Ger-many football legend hi 2018 leh 2022 World Cup thlengtu tur thlangtu member 22 zinga mi a ni a, Russia leh Qatar World Cup thlen dan chungchanga thil dik lo awm nia report FIFA ethics committee-i'n a chhui chiannaah FIFA chu thawhpui ṭha tawk loah puh a ni.

June 2014-a ni 90 chhung football kaih-hnawih hrim hrima in-hnamhnawih thei lo tura hrem lo ni tawh Beckenbauer hi £4,900 (Rs. 48,0319) chawitir a ni. October thla khan World Cup thlengtu tur thlan chungchangah tihsual a neih thu a lo puang tawh a, vote vanga thamna sum la anga puh-na erawh a pha thung.