Buaina karah Dortmund-in point thum hmu

Bundesliga season kal mekah Borussia Dortmund chuan champion an beiseina an vawng nung ve zel a, Pathianni zan khan Pierre-Emerick Aubameyang goal khat khung hmangin Bayer Leverkusen an hneh.

Dortmund hian league match 22 khelh tawh aṭanga point 51 hmuin hmahruaitu Bayern Munich chu point riatin an phak lo mek.

BayArena-a inkhelah minute 64-naah Aubameyang-a'n goal awmchhun a khung a, he goal luh avanga lungawi lo Leverkusen coach Roger Schmidt leh referee Felix Zwayer ten buaina an neih avangin minute 10 chhung vel inkhel tih tawp a ni.

Second half-ah Leverkusen striker Stefan Kiessling-a'n Dort-mund midfielder Sven Bender a tihtluk vangin freekick a chawi a, Erik Durm ball pet chu Auba-meyang-a'n goal-ah a chan tir.

Leverkusen coach Schmidt chuan freekick an petna hmun chu a dik lo tiin na takin a sawisel a ni.

Bayer Leverkusen coach Sch-midt chuan, "Ka naute hnualna tur ka thlen avangin ka inthiam lo hle. Ka tih dik lo a ni a, mahse kan goal chhuah dana dik lo awm kha fourth official hnenah ka sawi lang mai a ni," tiin a sawi.

Borussia Dortmund coach Tho-mas Tuchel chuan, "A chang chuan inthunun zawh hi a harsa ṭhin a, vawiina thil thleng kha chu a nasa deuh a ni," tiin Roger-a chet dan chu a sawisel.