Vawiinah Assam Vs Meghalaya

Santosh Trophy North East Zone Qualifier Group B aṭanga final round khel tur chu vawiin hian a chiang ang. Tlai dar 2:00-ah Meghalaya leh Assam te an inkhel dawn a, final round lut turin Assam tan chak ngei ngei a ngai a, Meghalaya tan point khat a tawk thung.

Meghalaya-in an match hmasa pahnihah Assam aia goal an khung tam zawk avangin match hnuhnung berah an hna a awlsam dawn a, final round lut chiang erawh an ni lo. Meghalaya hian match hnihnah goal riat an khung.

Assam-in nikum khan qualifier-ah Manipur hnehin final round an lut a, tun ṭum-ah erawh match hmasa pahniha Nagaland leh Tripura te 2-0 ve ve an hneh avangin Nagpur thleng turin chak ngei an mamawh tawh.

Chawhma dar 11:00 hian Nagaland leh Tripura te an inkhel dawn a, inkhel result-in awmzia a nei pha tawh lo.