Fritz hnehtu Mochizuki

Tennis inelna Japan Open khelh laiah champion lai Taylor Fritz chu last 16 paltlang zo loin a tla, seeded pakhatna hi player langsar pawh ni lem lo Shintaro Mochizuki hneh loin a zinkawng a tawp a ni.

Shintaro Mochizuki hi world number 215 a ni a, tualchhung tlangval niin wildcard hmanga inlan a ni. Tun hma chuan Mochizuki hian sulhnu ropui leh langsar sawi tur a nei ngai lo, mahse American tlangval hi 0-6, 6-4, 7-6 (7/2) in a hneh.

Tun season kal laiah Fritz hian nomawi pahnih a chawi tawh - Tokyo khawpuia inelna neihah pawh hian champion tura rinkai a ni, world number 10 hian set khatna chu minute 2 chhung lekin game hloh miah loin a la.

Mahse, set hnihna aṭangin thil a danglam thut - Mochizuki hian a khingpui service chhuhsakin set a la a, a chak zawk tur zawnna set thumnaah pawh tie break an khelh hnuin a vannei zawkah a ṭang tlang ta daih.

Mochizuki hian quarter-final-ah chuan Alexei Popyrin a hmachhawn leh ang. Australian tlangval hian inkhel dangah Cristian Garin chu 4-6, 7-6 (7/3), 6-2 a hnehin last 16 a lo paltlang ve thung a ni.