Goal li khungtu Newcastle

Newcastle United chuan season hmasa top four-a season an khar kha tihpalh a ni lo tih an pholan chhunzawm zel a, Inrinni zan khan an mikhual Crystal Palace chu 4-0 ngawtin an sawp.

Magpies tan Jacob Murphy, Anthony Gordon, Sean Longstaff leh Callum Wilson ten goal khat ṭheuh an khung a, Magpies hian inelna hrang hrangah match riat zet chu a zawnin tlawm an nei ta lo.

Newcastle tan ṭum dang ang thoin Kieran Trippier a hmuhnawm a, mual ding lam sira Jacob Murphy nena an che tla chu Palace tan game tiharsatu a tling - Roy Hodgson-a naute hian hliam vanga chawl mek Michael Olise leh Eberechi Eze awm lo an tuar tih a lang bawk.