Atletico tan Antoine Griezmann a vul

Antoine Griezmann chuan Atletico Madrid tan hattrick a siam a, Celta Vigo khelmualah a team hi 3-0 in hnehna a chanpui - Atletico hian point thum chiahin hmahruaitu Real Madrid an phak lo ta a, match khatin an khel tlem zawk bawk.

Celta Vigo goalkeeper Ivan Villar chu minute 25-naah hnawhchhuah a ni a, beisei a bo nghal - Villar hian Alvaro Morata chiah a hmachhawn tawh tihin Atletico striker hi a titlu a, hnawhchhuah a nih bakah penalty a chawi.

Atletico tan French forward Griezmann lo pen chhuakin, French forward hian goal-ah a chantir a, second half-ah goal hnih khung belh zuiin, 3-0 in hnehna an chang.

Kum 32 mi Griezmann hian tun season inelna hrang hrangah match 11 khela goal riat khungin, La Liga-ah match 507 khelin goal 187 a khung tling ta.