FC Goa-in East Bengal an hneh

Indian Super League khelh a ni leh ta a, Inrinni zan khan FC Goa chuan 2-1 in East Bengal an hneh a, Kerala Blasters leh NorthEast United te chu 1-1 in an inhnehtawk bawk.

Kolkata khawpuiah East Bengal-in chak an tum tih an pholang a, Mahesh Singh chuan minute 41-naah Kolkata club tan goal hmahruai a khung. Goan club-in si phurh an sut thei lo reng a, East Bengal beiseina a sang hman.

Mahse, minute 74-naah Sandesh Jhingan chuan si phurh rawn sutin, minute khat hnu lawkah Victor Rodriguez chuan chakna goal khung zuiin, hun tawp thlengin goal dang a lut tawh lo - East Bengal tan defender Lalchungnunga chu a khel tluan.

Inrinni zan inkhel dangah NorthEast United chuan Nestor Albiach hmangin Kerala Blasters lakah goal hmahruai khung mah se, Danish Farooq chuan minute 49-naah si phurh a sut a, hun tawp thlenga goal dang lut loin, 1-1 in an ṭin.

Blasters tan midfielder Freddy Lallawmawma chu minute 85-naah luhtir a ni a, Rochharzela chu minute 79-naah Highlander tan a tlan lut ve bawk.