Mizoram cricket team chak lo

India ram chhung state hrang hrang cricket hmanga inelna Syed Mushtaq Ali Trophy neih laiah Inrinni khan Mizoram chuan Hyderabad chu wicket rukin an ngam lo.

Sawai Mansingh Stadium, Jaipur-a inkhelah ṭhum vawra vannei zawk Hyderabad lamin vawm hmasak an thlang. Mizoram tan Agni Chopra chuan ball 16 aṭangin run 28 a siam a, tualchhung tlangval zinga run siam hnem ber chu Joseph Lalthankhuma a ni.

Ramhlun Venglai tlangval hian ball 20 aṭangin run 24 a vaw chhuak, tun inelna neih laiah hian Mizo player zinga che ṭha ber a la ni. Mahse, team ṭha hlir an nih tawh avangin chak erawh a harsa.

Mizoram hian over 20 chhungin run 114 bak an tlin lo. Hyderabad lamin over 15.1 lekah an target an tlin a, harsa vak loin an chak.