Semifinal-ah PV Sindhu a tla

PV Sindhu chuan a vanglai pawha a hneh hleihtheih loh Carolina Marin chu a la hneh thei chuang lo. Denmark Open Super 750 tournament semifinal-ah player ṭha pahnih an intawng a, Spanish nula Marin-i zawkin 18-21, 21-19, 7-21 in hnehna a chang.

Sindhu hian season a hmang ṭha lo hle a, tun hnaiah erawh hma a sawn deuh. Saina nen pawh an inkhel tawk hle a, darkar khat leh minute 13 an beih chhungin chungnung zawk pawh an awm hleithei lo.

Olympic medal vawi hnih la tawh Sindhu chuan, "Marin nen hian kan inhmachhawn fo tawh a, kan inkhelh apiang hian thil thar eng emaw hi a rawn nei zel, ani hi chu player ṭha danglam bik a ni," tiin a sawi.