Mbappe hoin PSG an chak

Paris Saint Germain chuan Inrinni zan Ligue 1 inkhelah an mikhual Strasbourg 3-0 in an hneh. Captain Kylian Mbappe-a'n penalty a khung bakah Carlos Soler leh Fabian Ruiz ten goal khat ve ve an khung bawk.

Paris khawpuia inkhelah Portugal international Goncalo Guedes chuan minute 10-na lekah penalty a hlawh chhuak a, forward Mbappe chuan season kal laia a league goal kuana khungin a hnu lamah hna a harsa tawh lo.

Patrick Vieira enkawl Strasbourg lamin point khat tal hlawhchhuah tum viau mah se kawng engkimah PSG an phak lo a, team ṭha leh chak phu zawkin point thum an hlawh chhuak.

Hnehna changtu Luis Enrique naute hian Ligue 1 match vawi kua aṭanga point 19 hmuin table-ah pahnihna an ni, hmahruaitu Nice aiin point khatin an hniam. Pathumna AS Monaco chuan match khata khel tlem chungin point 17 an nei thung.