Zarkawt Serpants beiseina a sang

Mizoram Super League season 2 khel turin Zarkawt Serpents ma-nager Dino Laldinpuia Chhangte chuan an inpeih tawh thu a sawi a, season hmasa aia dinhmun sang zawk an luah ngei a rin thu a sawi bawk.

Hrait thiam har Serpents

Zarkawt Serpents hian MSL1 first leg match nga an khelh aṭangin chak hmel an hmu miah lo a, mahse second leg-ah erawh Zarkawt BCA tih loh chu an hneh let vek a, champion Khatla TBL hneh thei awmchhun an ni nghe nghe.

MSL1-ah point 14 hmuin table-ah a hniam ber dawt ni mah se an chung chiaha awm Mission Veng Vikings nen an point hmuh zat a inang a, pathumna Tuikual South chu point khat chiahin an phak lo.

Serpents hi MSL1-ah khan in-khel inhnehtawk takah pawh chak loh an ching a, an player-te tawnhriat neih tlem vang niin a lang. Mahse, he an harsatna sukiang tur hian Upper Kanan guard Lianhmingmawia an nei tawh a, ani bakah hian K Lalhruaitluanga, Lalsangkima leh Hmingthanmawia-te an la neih avangin team ṭha zingah chhiar luh loh theih an ni bik lo ang.

Inbuatsaihna ṭha

MSL club dangte aiin Serpents hian inbuatsaihna an nei ṭan hma a, nikum December aṭang khan an ṭan tawh. Zarkawt Basketball Court bakah a remchan dan azirin Hawla Indoor Stadium, Republic Vengthlangah tlai lamah practice an nei ṭhin a, player-te fitness chu an innghahna tur pakhat a ni dawn.

Lut leh chhuak

Season hmasa a Serpents pla-yer pawimawh pathum chu City Police-a an ṭan tak avangin MSL2-ah an hmel kan hmu tawh dawn lo. Mahse, Assam State pawh lo kaihruai tawh coach Arvinder Singh Bawa an chah lut thung a, Chennai lamah pawh tawn hriat lo ngah tawh Bawa hian Guwahati
aṭangin guard Prince Chamuah leh center Sahil Sharma a rawn hruai luh tel avangin beisei an nei sang.

Serpents manager Dino chuan, "MSL1-ah khan player ten tawn hriat an la neih tam lohna kha a lang ṭhin a, kuminah erawh khatiang kha a awm tawh loh kan beisei. A tlem berah vawi thum tal chak nghal a ngaih tawh avangin a tir aṭangin theihtawp kan chhuah ang," tiin Vanglaini palai a hrilh.

ZARKAWT SERPENTS

Sl. No. Name Address Jersey No Position

1 Lalsangkima Zarkawt 9 G

2 Hmingsanga Chhakchhuak Tuikhuahtlang 6 C

3 R Lalhruaitluanga Champhai 5 F

4 Lalnunkima Zarkawt 75 F

5 Sahil Sharma Guwahati C

6 Andre Lalhruaitluanga Zotlang 23 G

7 Prince Chamuah Guwahati F/G

8 Lalramropuia Champhai Vengthlang 15 G

9 Lalnundika Khatla South 97 G

10 Jonathan Vanlalhriatpuia Chaltlang 3 F/G

11 Joseph Remlalfaka Chanmari 55 G

12 Lianhmingmawia Upper Kanan 16 G/F

13 K Lalhruaitluanga Chawnpui 22 PG

14 Robert Lalfakzuala Ramhlun North 35 F

15 Hmingthanmawia Champhai 11 F/G

15 Arvinder Singh Bawa Delhi Coach

16 Lalthanzoa Zarkawt Asst Coach

17 Dino Laldinpuia Chhangte Zarkawt Manager