Tuikual South an inringtawk

Tuikual South-in India tan senior level bakah junior leh youth level-a lo khel tawh Rakesh chu Mizoram Super League ṭan tirah chhawr thei dawn lo mah se March thla chawhnu lama chhawr turin an chah lut dawn a, hei hian champion an tum zia a nemnghet.

MSL season khatnaa point score hnem ber Lalmuanpuia Zote chu Chaltlang Ryders aṭangin an la lut. Ramhlun North tlangval hian MSL1-ah khan point 219 a score thei, ani bakah hian forward K Vanlalruata an neih bawk avangin champion an tum ngam hi a mak lo.

Mahse, Zarkawt Serpents aṭanga an lakluh thar Lalrinzuala leh Division 1 club VR4 aṭanga an lakluh Zorina Hrahsel te chu City Police-ah an ṭan tak avangin an chhawr thei lo ang.

Sulhnu

MSL1-ah khan Tuikual hian match 10 an khelh aṭangin vawi nga hnehna an chang a, vawi nga vek an tlawm thung. Khatla TBL leh Zarkawt BCA te an tluk lo a, tun season-ah erawh pathumnnah an lungawi tawhin a rinawm loh.

An dam kim

Tuikual South hian nikum De-cem-ber thla aṭang khan inbuatsaihna an nei ṭan tawh a, kumin January thla tirte aṭang khan zing leh tlaiah practice an neih chhunzawm bawk. Player an dam kim a, inbuatsaihna an nei ṭhain thawhhona ṭha chu an hmachhuan tur a ni ang. Anni hian RTPmagpie, Emy drug store, Chhangte catering, MS Ford leh Graceland dental clinic aṭang tein sponsor an hmu a ni.

Tuikual South manager Lalrem-siam Hrahsel chuan, "Veng mipui bakah Aizawl khaw chhunga hmun hrang hranga min ṭan tute an phur tawhin min ṭawiawm ṭha em em a, anni zarah a sang thei ang ber thlen kan tum. Kan rilruah palyoff a awm lo a, final leh champion chiah kan ngaihtuah," tiin Vanglaini palai hnenah an tum san zia a sawi.

TUIKUAL SOUTH

Sl. No. Name Address Jersey No Position

1 Eddie Zothanpuia Ramthar/Lunglei 1 PG

2 Steve Lalromuanpuia Sailo Chanmari West 4 SG

3 Lalrohlua Tuikual South 8 SG

4 Kolly Kent Malsawmzuala Tuikual South 10 SF

5 MS Dawngzela Chenkual College Veng 19 C

6 F. Zodinthara Tuikual South 23 F

7 Rakesh Haryana 24 F

8 Lalchhanchhuaha (U-18) Tuikual South 25 F

9 Lalmuanpuia Zote Ramhlun North 26 PG

10 Vanchuangpuia Armed Veng 33 PF/C

11 K Vanlalruata Upper Kanan 55 F

12 C Lalfakawma Luangmual 68 SG/SF

13 Hmingmawizuala Tuikual North 76 SG/SF

14 Lalremruata Ralta Tuikual South 97 PG

15 KC Lalliantluanga Armed Veng South Coach

16 Lalngengpuia Tuikual North Asst Coach

17 Lalremsiama Hrahsel Tuikual South Manager

18 Freddy Lalngaihawma Tuikual South Physio