England-ah Buffon duhtu an awm

Khawvela goalkeeper ropui berte zinga mi Gianluigi Buffon chuan Premier League club zingah amah lakluh lo tumtu an awm tawh ṭhin thu a sawi chhuak.

Italy keeper hian kum 20 mi chauh a nih laia Arsenal manager Arsene Wenger nen zanriah an kil dun tawh thu leh Par-ma tana a khelh laiin Sir Alex Ferguson-a'n Man-chester United-ah lakluh a tum tawh thu bakah; Manchester City aṭangin sawmna duhawm tak a dawn tawh thu a sawi a ni.

Italy keeper Buffon hian ram tan match 154 ngawt a khel tawh a, kum 2006 khan FIFA World Cup title a chawi pui nghe nghe.

Kum 2001 khan Ju-ventus chuan Parma
aṭangin pound maktaduai 33 sengin Buffon hi an la lut a, khawvela goal-keeper man to ber niin tun thlengin khumtu an la awm lo.

Juve hian an keeper manah hian sum an seng thlawn lo hle thunga a, league title paruk ngawt a lak pui tawh.

Kum 38-a upa Buffon chuan, "Ka la hre reng ṭhin, kum 1988 khan kum 20 chauha upa ka la ni a, Wenger nen hian zanriah kan kil dun tawh. Chumi hnuah United hian Ferguson hoin lakluh tumin min dawr tawh bawk. Kum 2007 bawr vel khan City hian player lian pahnih vel lak an duhthu an sawi a, chung zingah chuan ka tel ve. Mahse, chhan hrang hrang vangin Premier League ka khel ta lo a ni," tiin a sawi.