Vawiin atangin NECS Cup 2016
Aizawl District huamchhung tana football hmanga inelna NECS Cup 2016 chu vawiin aṭangin Lammual, Republic Veng Khelmual leh Ramhlun Sports Complex-ah te khelh ṭan a ni ang.
Aizawl DFA buatsaih NECS Cup hi kum 2013 khan khelh ṭan niin vawi thum inelna neih tawhah Ramhlun South-in final an la lut vek. Mizo player ṭha tamna veng Ramhlun South hian inelna hmasa pahnih an champion hnuah nikum khan Armed Veng lakah champion nomawi an humhim zo lo.
Armed Veng hian 2015 NECS Cup final-ah Ramhlun South chu hun pangngaia 2-2 an draw hnuin penalty shootout-ah 6-5 in an hneh. Veng leh veng inelnaa record nei ṭha ber Armed Veng hi CYMA Football leh NECS Cup Football kawltu an ni a, CYMA Football-a vawi nga an champion hnuah nikum khan a vawi khat nan Village Council/Local Council huam chhung football hmanga inelnaah an champion.
Team 87 inelna
Veng leh veng inelna hi tualchhung football tinungtu leh player ṭha zawk chherchhuahna atana pawimawh a ni a, Mizoram Premier League club te tan player ṭha zawnna hun ṭha a ni.
Tun ṭum NECS Cup inelnaah hian team 87 an tel a, group pariatah ṭhendarh an ni. Champion lai Armed Veng chu Group A-ah awmin Round of 16 kalkawngah College Veng an paltlang a ṭul a; an group-ah vek hian Aizawl DFA hnuaia club nei Chaltlang FC leh Venghlui FC te chu match hmasa berah an inhmachhawn nghal dawn.
Vawi thum final lut tawh Ramhlun South chu Group H-ah awmin an awmna group-ah veng leh veng inelna hming langsar an awm loh avangin quarterfinal an thleng zo lo a nih chuan upset-ah a chhiar theih ang.
NECS Cup hmasa bera finalist Leitan-in an match hmasa berah 2005 CYMA Football champion Republic Veng an hmachhawn nghal dawn. Leitan awmna Group D-ah hian 2012 Red Ribbon Football champion Chanmari bakah champion rinkai zinga tel pha Bethlehem Vengthlang an awm bawk.
Fixtures
Vawiin Inkhel Tur
LAMMUAL
10:00 AM Tuivamit Vs Tuikual North
11:45 AM Muallungthu Vs Zotlang
01:30 PM North Serzawl Vs Saikhamakawn
REPUBLIC VENG KHELMUAL
10:00 AM Ramhlun North Vs Melriat
11:45 AM Mission Veng Vs Tuithiang
01:30 PM Darlawng Vs Muanna Veng
RAMHLUN SPORTS COMPLEX
10:00 AM Sairang Vs Vaivakawn
11:45 AM Tanhril Vs Thuampui
01:30 PM Zemabawk North Vs Seling
February 25, Ningani
LAMMUAL
10:00 AM Tlangnuam Vengthar Vs Bethlehem
11:45 AM Melthum Vs Zemabawk
01:30 PM Chaltlang North Vs Ramthar North
REPUBLIC VENG KHELMUAL
10:00 AM Durtlang North Vs Model Veng
11:45 AM Republic Vengthlang Vs Kelsih
01:30 PM Tuirial Airfield Vs Tlangnuam
RAMHLUN SPORTS COMPLEX
10:00 AM Government Complex Vs Sailutar
11:45 AM Selesih Vs Samlukhai
01:30 PM Saitual Vs Sairang Dinthar