Mumbai FC-ah Player thar pahnih

Aizawl FC-an hneh loh hnuah Mumbai FC-in player thar pahnih an lak belh a, Indian football-a tawnhriat ngah pahnih Sandip Nandy leh Clifford Miranda an la lut.

Kum 41-a upa Sandip Nady hian India rama club lian ber ber Mohun Bagan, East Bengal, Mahindra United leh Churchill Brothers tan a khelh laiin league nomawi a lo chawi tawh a, Indian Super League lamah Kerala Blasters tan season hnih chhung a khel bawk.

India tan vawi 43 a inlana goal ruk khungtu Clifford Miranda chuan Mumbai club hi a zawm bawk a, ISL lama Atletico de Kolkata tana a khelh hnua club nei lo winger hian Khalid Jamil-a team a zawm hma hian Dempo tan season 15 chhung ngawt a lo khel tawh.

Hetihlai hian left-back Nallappan Mohanraj chuan ISL club Atletico de Kolkata aṭanga loan-a Mumbai FC zawm turin Maharashtra club training hi a zawm bawk. Kum 27-a upa defender hi ISL lama inlan I League club hmu zo lo zingah hun eng-emaw chen a awm a ni.

Mumbai FC hian February 27-a Sporting Goa an hmachhawn hnuah March 2 khian Aizawl FC an mikhual ve leh ang.