Argentina leh Chile inhmachhawn dawn

Khawvela ram leh ram football hmanga inelna upa ber Copa America chuan kumin hian kum 100 a thling chiah a, June 2 aṭang hian USA-ah inelna hi neih tur a ni ang.

Champion lai Chile chu nikum final-a an hneh Argentina nen group D-ah an awm dun dawn. Chile hian penalty shootout-ah hnehna changin a vawi khat nan major title an chawi ve a ni.

Copa America champion ni ngun ber Uruguay chu group C-ah Jamaica, Mexico leh Venezuela te nen awm hoin kum 2007 champion Brazil chu group B-ah Ecuador, Haiti leh Peru te nen an awm ho thung.

Inelna hi USA-ah an nghah vawi khatna tur a ni a, a thlengtu hian group A-ah Colombia, Costa Rica leh Paraguay te an hmachawn dawn.