AIFF Academy an che ṭha zel

Mizo naupang pali awmna AIFF Academy-in I League U18 an cham-pion hnuah 2016 IFA U19 Shield khelh chhunzawmin group match vawi hnih khelh tawhah an la chak ve ve.

2016 IFA U19 Shield hi Kolkata-a khelh niin champion-in nuai nga an dawng dawn a, pahnihnain nuai thum an dawng ang. Final phase-ah hian India rama academy ṭha pariat bakah Premier League club Crystal Palace U19 leh Malaysian club Frenz United te an tel.

Group A-ah Tata Foot-ball Academy, East Bengal, Salgaocar, Cry-stal Palace leh United SC te an awm a, TFA hi an vawi thum khelh tawhah la chak vekin hmahruaitu an ni. English club Crystal Palace rawltharten nimin khan an match hmasa berah TFA an hmachhawn a, result kan hre hman lo.

Group B-ah AIFF Academy, DSK Acade-my, Frenz United, Mo-hammedan SC leh Mohun Bagan te an awm. AIFF Academy-in match hmasa bera Mizo tamna DSK Shivajians an hneh hnuin Thawhṭanni khan Mohun Bagan 4-0 in an sawp leh.

AIFF Academy-in Mariners rawltharte an hneh ṭum hian Mizo naupang pahnih Edmund Lalrindika leh Jerry Lalrin-zuala te'n goal khat ve ve an khung.

DSK Shivajians erawhin an elpui tura ngaih AIFF Academy an ngam loh hnua Frenz United an hneh loh leh avangin Mohammedan hneh mah se semifinal lut turin an dinhmun a
ṭha lo. DSK-in Malaysia club Frenz United 3-2 a an hneh loh ṭumin Lallianzuala Chhangte leh Lalruatpuia ten goal an khung a, Lunglei rawl-thar Lianzuala hian match thum an khelh tawhah goal an la khung vek.

Vawiin hian AIFF Academy leh Frenz Uni-ted te Barasat Sta-dium an inkhel dawn a, Group B hmahruaitu inchuhna inkhelah a ngaih theih ang.