Serena hun a liam mek - Halep

Simona Halep chuan hmeichhe tennis khawvel awptu Serena Williams chuan a vanglai a pel tawh a, a hun a liam ve tawh dawn niin a sawi.

American star Williams hian nikum khan Grand Slam hmasa pahtum Australian Open, French Open leh Wimbledon title-te la mah se US Open-ah Flavia Pennetta a hneh lo a, kumina major tournament hmasa ber Australian Open final-ah Angelique Kerber a hneh lo bawk.

WTA ranking chhuak thar bera number 4 Halep chuan, "Tunlaia result kan thlir chuan Serena hi hneh theih a ni tih a chiang a, player dangte tan Grand Slam title lak theihna hun a inhawng ve mek a ni," a ti.

Kum 24-a upa Halep chuan, "Kuminah hian Grand Slam title ka lak ve tawh ngei ka ring," a ti. Romania nula hi player
ṭha tak niin world number 2 lai a lo ni tawh a, mahse major tournament-ah a la champion lo a ni.

Hetihlai hian Serena hian record a la siam chho zel a, ranking chhuak thar berah number 1 dinhmun a la luah; a zawnin kar 157 chhung pakhatna dinhmun a luah tawh a, a tluk loh awmchhun chu Steffi Graff (186 weeks) chiah a ni tawh.

Kum 34-a upa Serena hian Grand Slam title 21 a la tawh bawk a, Ger-man hranghlui Steffi Graff record vawi 22 cham-pion tluk turin vawi khat champion bak a mamawh tawh lo a ni.