Dubai-ah Novak Djokovic

Australian Open title a lak hnuah Novak Djo-kovic chuan kar thum chhung a chhungte bul-ah chawlh a hmang a, Thawhṭan zan khan Dubai-ah lo kir lehin a match hmasa berah Tommy Robredo a hneh leh nghal.

World number 1 Djo-kovic hian Dubai Duty Free Tennis Cham-pion-ship first round-ah hian minute 66 chhung lekin 6-1, 6-2 in hnehna a chang a ni.

Grand Slam vawi 11 champion tawh Djokovic hian Robredo lakah har-satna a tawk lo hle a, break point vawi 13 a hmuh aṭangin vawi li ngawt a service a chhuhsak thei.

Serbian thiampuipa chuan, "Kar thum ka chawlh hnuah ka lo kir leh chauh a, a boruak a dang hle. Duhthusama ṭha-in khel lo mah ila ka lungawi thawkhat," tiin a sawi.

Kum 28-a upa Djokovic hian mel lung pawimawh phun na hun ṭha a nei dawn a, second round-ah Malek Jaziri a hneh a nih chuan match 700 hnehna a channa tur chiah a ni ang.

Tun season-ah Djo-kovic hian match 13 a khel tawh a, hnehna a la chang fai vek. Australian Open bakah Doha-ah te a lo hlawhtling tawh a ni.