Italian Hall of Fame-ah Ronaldo

Brazilian striker ropui Ronaldo chu Italian Hall of Fame-ah Thawhṭanni zan khan lakluh a ni. Ro-naldo rual hian Italian footballer ropui ṭhin leh manager ni ta pahnih Ro--berto Mancini leh Gian-luca Vialli-te chu Ita-lian Hall of Fame-ah hian lakluh an ni bawk.

Italian club ropui leh inhal pahnih AC Milan leh Inter Milan tana khel kawp thei Ronaldo chuan, "Football hian ka nunah hlimna tam tak min pe a, ka nuna thil zawng zawng hi football min zirtir vek a ni," a ti.

Inter Milan tan vawi 83 a inlana goal 52 khungtu striker chuan, "Football tel lo hian eng nge ka tih ang tih pawh ka ngaihtuah thiam lo a, football ka khelh chhung khan mipui tam tak hlimna ka thlen ka beisei. Khawvel hmun hrang hrangah ka kal kual tawh a, Italy hi ka in ang maia ka ngaih awmchhun a ni," tiin amah chawimawitu Italy a chawimawi let.

A vanglaia mimal chawi--mawina dawn theih ang zawng zawng dawng kim vektu Ronaldo chuan, "Italy football hian ka theihna sang berah min pho chhuak a ni. Khawvela inkhelh harsatna hmun ber a ni a, hmun nuam ber a ni bawk. Ka sulhnute kha Italy-a ka khelh tawh avang-in lungawi takin ka thlirlet ṭhin," a ti.

Kum 39-a upa Ronaldo hian khawvela club ropui ber pawl Barcelona leh Real Madrid tan pawh a khel tawh a, Brazil tan match 98 a inlanah goal 62 khungin an ram hi World Cup-ah vawi hnih a champion pui thei a ni.