Bellerin aiin ka ṭha zawk - Bolt

Khawvela tlan chak bera ngaih Usain Bolt chuan amah aia tlan chak thei zawk tura an sawi Arsenal defender Hector Bellerin aia a ṭhat zawk thu a sawi.

Spanish rawlthar Bel-lerin hian Gunners leh Bayern Munich inkhel
ṭum--in meter 40 tlan nan seconds 4.41 chiah hun a hmang a, he hi kum 2009-a Bolt-a'n 100 metre world record a siam ṭuma meter 40 chin tlan nana hun a hman aiin a rei lo zawk a ni.

He thil thleng avang hian mi tam tak chuan Bellerin hian Bolt record hi a thluk thei maia an rin thu an sawi. Mahse, Gunners defender hian Bolt chu intlansiak mi a nih thu leh khawvela tlan chak ber a nih thu a sawi thung.

Jamaican sprinter ropui Bolt chuan, "Foot-baller-te chuan meter 10-20 te chu chak tak tak in an tlan thei a lawm, chu chu an zir dan pawh a ni. Kei erawh chu meter 100 leh 200 tlan turin ka inzir thung," tiin a inringtawk hle.

Kum 29-a upa Bolt hian 2008 Beijing Olym-pic leh 2012 London Oly-mpic-ah te khan 100m, 200m bakah 4x100m relay-ah te gold medal a la a, Au-gust thla a neih tur Rio Olympic-ah pawh hian in-fiammi enrawn a ni leh ang.