Wawrinka a chak phawt

Dubai Duty Free Tennis Championship-ah seeded pa-khatna Novak Djokovic-a'n awlsam takin first round paltlang mah se seeded pahnihna Stan Waw-rinka erawhin inkhel hautak a hmachhawn nghal a, Sergiy Stakhovsky lakah 5-7, 6-3, 7-5 in hnehna a chang hram.

French Open champion lai Wawrinka hi a chak lo teuh hle a, set thumna an khelh laiin 4-5 (0/30) in a hnufual hman, mahse a tawnhriat neih tam chhawr
ṭangkaiin darkar hnih chhungin a dingchang ta zawk a ni.

Kum 30-a upa Wawrinka chuan, "Inkhel hautak a ni a, ka theihna leh thiamna zawng zawng hmangin ka bei a, a tawpah hnehna ka chang hram," a ti.

Inkhel dangah Nick Kyrgios pawhin Martin Klizan hnehin first round a paltlang ve bawk. Australian rawlthar Kyrgios hian kar hmasa lawk khan a vawi khat nan Marseille-ah ATP World Tour title a la a, second round-ah Mikhail Kukushkin a hmachhawn zui leh ang.