Europa League United tan fiahna hautak; Liverpool an him bik lo

Zaninah Europa League last 32 second leg khelh a ni dawn a, first leg-a chak zo lo Premier League club Tottenham Hotspur, Manchester United leh Liverpool an inlan dawn.

Chak mamawh United

Zanin dar 1:35-ah Manches-ter United-in Midtjylland an mikhual dawn a, khualmualah 2-1 a an hneh loh hnu a nih avang-in United tan Old Traf-ford-ah mualpho nawn a thiang lo.

Manchester United hi FA Cup-a Shrewsbury 3-0 a hneh hlim an nih avangin an phur vanglai tak a ni a, English club tana chanchin lawmawm lo erawh an damdawi in lun hi a ni.

United player zingah Jese Lin-gard, Will Keane, Wayne Rooney, Fellaini, Darmian Mat-teo, Januzaj, Jones, Ashley Young, Schweinstiger, Marcos Rojo, Valencia leh Luke Shaw-te chu hliam vangin an inlan thei dawn lo vek a, Louis Van Gaal-a'n duhthlan tur a nei tlem hle.

Danish club tan midfielder Petter Andersson dinhmun a chiang lo a, player dang erawh inhliam an awm lo thung.

United manager Van Gaal chuan, "Midtjylland hi kan hneh ngei a ngai a, tih theih a ni tih hre mah ila a awlsam dawn lo. Europa League hi Champions League beiseina min siamsaktu awmchhun a ni tawh a, chak a ngai a ni," tiin chak ngei an tum tur thu a sawi.

Lucas a zam lo

Liverpool-in first leg-ah Augsburg an hneh zo bik lo a, German club nen hian goal khung loin an inhnehtawk. Khualmuala goal khung lo Reds tan zaninah goal venghim chunga goal khung tum a ngai dawn a, an kalkawng hi a awlsam dawn lo.

Reds midfielder Lucas erawh a zam lo. Brazilian mid-fielder chuan, "Last 16 lut turin theihna kan nei a, European competition a nih avangin a sang thei ang ber thlen kan duh a ni," a ti.

Lucas chuan Anfield-ah goal chhuah loh a pawimawh tur thu sawiin, "Engkim kan kutah a awm tawh a, khualmualah goal kan khung loh avangin Augsburg hian goal khat an khung chuan goal hnih kan khung a ngai dawn. Chuvangin kan tana pawimawh ber chu chak a ni," tiin chak ngei an tum tur thu a sawi.

Liverpool hian 2014-15 Cham-pions League group stage-a Real Madrid an hneh loh hnuin Europe-ah tlawm hmel an la hmu leh lo a, Anfield-ah German club an hmachhawn vawi 14-ah an tlawm miah lo bawk. Record en chuan English club hian Anfield-a Augsburg mikhual hi an huphurh lutukin a rinawm loh.

Chak duh Alli

Tottenham-in khualmuala 1-1 a an inhnehtawkpui Fio-ren-tina an mikhual dawn a, khualmuala goal khungtu Spurs tan goal chhuah loa draw result neih a tawk.

Spurs hi FA Cup fifth round-a Crystal Palace hneh lo hlim an nih avangin an phur vang-lai tak a ni lo. Mahse, Spurs rawlthar midfielder duh-awm Dele Alli chuan a ṭhiante chu FA Cup-a an chet chhiatna theihnghilh turin a ti.

English midfielder chuan, "Kan hmabak inkhel awm apiangah hnehna chan kan duh a, Palace-a kan result duhawm lo avang khan hnual viau mah ila theihtawp chhuahin kan tho chhuak leh tur a ni," tiin a team mate-te a fuih.

Season hmasa Europa League last 32-ah Fiorentina hian Spurs hi 3-1 in an lo hnawt chhuak tawh a, Tottenham tan phuba lakna remchang ni mah se an match hnuhnung pasariha tlawm hmel la hmu miah lo Italian club hneh hi thil awlsam a ni dawn lo.