Golden State Warriors an chungnung zel

Golden State Warriors chuan season duhawm an hmang chhun-zawm zel; Thawh--lehni khan Atlanta Hawks hnehin NBA history-a match 50 chang tling thei tura hun duh rei lo ber an ni.

Warriors tan point guard Ste-phen Curry chuan point 36 ngawt a score leh a, a team te chu 102-92 in hnehna a chanpui. NBA league kelhmekah Warriors hian match 55 khelh tawh aṭangin vawi nga chiah chak loh an la nei a, vawi 50 zet hnehna an chang tawh.

NBA-ah Michael Jordan vang-lai kum 1995-96 khan Chicago Bulls chuan season khat chhungin match 72 hnehna an chang thei a, kum 1990 bawr chho khan season riat chhungin title paruk ngawt an la nghe nghe. Bulls record ropui hi Warriors hian an el chho mek a ni.

American star Curry chuan, "Match 50 hnehna chan theih hi a ropui a, mahse June thla thleng ṭha taka kan khelh theih dan tur ngaihtuah hi a pawi-mawh chu a ni," tiin a sawi.