Match 41 chak zawn tawh Mirza leh Hingis

25th February, 2016

Indian tennis star Sania Mirza leh a ṭan pui Swiss Martina Hingis te chuan tun hnaiah hmeichhe tennis double-ah khing zotu an hmu lo.

Nimin khan Doha-ah Chinese pair Yi-Fan Xu leh Saisai Zheng te ṭang dun lakah darkar khat leh minute 24 chhungin 6-4, 4-6, 10-4 a hnehna changin WTA Qatar Open second round an paltlang a, a zawnin match 41 chhung zet hnehna an chang tawh a ni.

Sania leh Hingis te hian nikum khan title pakua an la a, kuminah pawh champion nomawi pali ngawt an chawi leh der tawh.