Srikanth-a'n Olympic medal a beisei

Indian shuttler Srikanth Kidambi chuan kumin August thla a neih tur Rio Olympic-ah medal lak theih ngei a inbeisei a, gold lak chu a duhthusam a nih thu a sawi.

Tun dinhmunah Sri-kanth hi world number 9 niin Indian mipa shuttler zingah chuan ranking nei sang ber a ni mek a, kuminah Syed Modi In-ter-national Badminton Cham-pionships Grand Prix Gold title a la tawh a, Malaysia Masters tour-nament-ah semifinal a thleng bawk.

Kum 23-a upa Srikanth chuan, "Olympic medal la tur hian hmanhmawh vak theih a ni hran lo a, mahse a rang thei ang bera ram tan hlawhtlinna chan ka duh. Thil awlsam leh nuam-sa taka hlawhtlinna hi chan theih a nih loh avangin ka thawhrim a ṭul dawn a, chumi tur chuan tuna ṭangin ka rilru leh taksa ka buatsaih ṭan tawh," tiin a sawi.