Qatar-ah Kerber a chak lo nghal

Kumina Grand Slam tournament hmasa ber Australian Open-ah Se-rena Williams hnehin rawn champion mah se Angelique Kerber chuan a khelh ṭhat a chhunzawm lo. Thawhlehni zan khan Qatar Open-a a match hmasa berah Zheng Saisai hneh loin a tla nghal.

Seeded pakhatna Ker-ber hi 7-5, 6-1 in a chak lo a, world number 2 hian vawi 38 ngawt unforced errors neiin world number 73 lakah a chak lo a ni. Kum 29-a upa Kerber hian tun thla tir khan Fed Cup-ah Belinda Bencic a lo hneh lo tawh bawk.

German star Kerber chuan, "Ka khelh ṭhat ni a ni lo a, ka ball vuak leh ka che vel hrim hrim a fuh tawk lo, chak phu khawpin ka khel lo," tiin a khelh chhiat thu a sawi.

Chak thei lo Halep

Seeded pahnihna Si-mona Halep chuan sea-son bul a ṭan fuh loh a la chhawm zel a, world num-ber 118 Elena Vesnina lakah 6-7, 6-4, 6-1 in a chak lo.

Romanian star Halep hian a zawnin tournament pathum Australian Open, Dubai Open leh Qatar Open-ah chak ni hmel a la hmu thei lo a, world number 2 ni chunga season ṭan ni mah se WTA ranking chhuak thar berah chuan number 4 a ni tawh a ni.

Inkhel dangah seeded pathumna Agnieszka Radwanska leh seeded pangana Petra Kvitova-te cuan an khingpui ve ve hnehin third round an inhlangkai.