Santosh Trophy Thlirna Tawi
Santosh Trophy Final Round chu Arunachal Pradesh-ah team 12-in an khel dawn a, chhiarkawp dan thlapin team 10 an tling tawh. Vawiin hian Mizoram awmna group ten match hnuhnung ber an khel dawn a, vawiin tlai dar 5:30-ah engkim a chiang ang.
Inelna thlengtu tur Arunachal Pradesh bakah nikum finalist Karnataka leh Meghalaya te chu tling sa an ni.
Group paruk zingah group panga khelh zawh a ni tawh a; group tina pakhatna Goa, Delhi, Manipur, Assam leh Maharashtra te an tling tawh.
Pahnihna tiṭha pathum an tling dawn a, Kerala leh Railways te an goal difference a ṭhat avangin hmun ruak pahnih hi an hnawh khat tawh.
Hmun ruak pahnih hi group E aṭanga hnawh khah turah a ngaih theih tawh a; Services leh Mizoram ni ngei tura ngaih a ni. Thil danglam bik a thleng erawh chuan Uttarakhand emaw Uttar Pradesh emaw an la tling thei bawk.
Note :
1. Group A-ah team panga an awm a, group dang zawngah paruk an awm. Pahnihna tiṭha khai rual theih nan team paruk awmna hoa a hnuai ber nena an inkhelhna result lak tel a ni lo.
2. Result lak tel loh ho: Group B-ah Punjab 2-0 Haryana; group C-ah Uttar Pradesh 2-1 Jharkhand; group D-ah Railways 1-0 Bihar; group F-ah Telangana 0-0 Andhra Pradesh.
3. Group E hi a la zo lo a, vawiinah an khel zo dawn. Mizoram hi head to head hmangin Uttarakhand chungah an awm. Tun dinhmunah Sikkim hi table mawngphahah an awm a, chutihrualin Sikkim hian match hnuhnung berah DNH&DD an hneh chuan DNH&DD hi a hnuai berah an awm ang.
4. Pahnihna zinga tiṭha pathum an tling dawn. Services-in Uttarakhand laka point an hmuh chuan Mizoram hi Pondicherry hnehin an tling ang. Sikkim-in DNH&DD an hneh chuan Mizoram tan 2-0 china chak a ngai, DNH&DD-in Sikkim laka hnehna an chan erawh chuan Mizoram tan chak hrim hrim a tawk.
5. Uttarakhand-in Services an hneh a, Mizoramin Pondicherry an hneh bawk chuan Services, Mizoram leh Uttarakhand te point hmuh zat a inang vek dawn a, an group bika goal difference a pawimawh ang. Mizoram tan Uttarkhand chakna zat aia goal thum zela chak tam a ngai ang.