Kum 12 hnuah Monfils champion

Gael Monfils chuan Pathianni zan khan Pavel Kotov hnehin Stockholm Open-ah a champion, ATP 250 event-ah hian tun hma kum 12 liam ta khan hlawhtlinna a lo chang tawh bawk a ni.

Kum 37 mi Monfils hi Stockholm Open champion thei upa ber a ni nghal a, champion thei upa record siam tur hian Kotov hi 4-6, 7-6(6), 6-3 in a hneh a, inkhel inhnehtawk takah a vannei zawk.

Tennis khelh hi a hahthlak a, kum upa lam deuh tan hlawhtlin a harsa. Kum 1990 aṭanga chhiarin, kum 27 an tlin chinah Roger Federer, Ivo Karlovic, Feliciano Lopez leh Monfils te chauh hi ATP Tour-a hlawhtling thei an ni.