Chennaiyin lakah Hyderabad an tlawm

Thawhṭanni zan Indian Super League inkhel awmchhunah Chennaiyin FC chuan 1-0 in Hyderabad FC an hneh a, inkhela goal awmchhun hi Scottish striker Connor Shields khung a ni - Hyderabad-in a chhanletna tur an nei lo.

Chennaiyin tan tun season-a league match li an khelha an vawi khat chakna a ni a, hetihlai hian an hneh tak Hyderabad erawh match thum an khelh tawhah la tlawm vekin table mawngphah an luah mek.

Nizan lamah ISL chawlh niin, match a awm lo a, zanin dar 8:00-ah Bengaluru leh FC Goa te an inkhelh chhunzawm leh ang. Bengaluru hian midfielder Lalremtluanga Fanai chu Mizoram player an kawl a ni a, FC Goa-ah hian Dinthar tlangval Ayush Chhetri a awm thung.