Atletico leh PSV inhnehtawk

PSV Eindhoven goal-keeper Jeroen Zoet-a'n Spa-nish club Atletico Madrid lakah a team a chhanhim a, Nilaini zan Champions League last 16 inkhelah goal awm loin an inhnehtawk. March 15 khian Vicente Calderon-ah second leg an khel leh ang.

Philips Stadion-a inkhel-ah Dutch champion PSV tan Davy Propper-a'n goal a khung teuh hle a, mahse minute 68-naa Gaston Pereiro hnawhchhuah a nih hnuah erawh mikhual Atletico lam an hlauhawm tluan chhuak zak.

Atletico tan Luciano Vietto leh Antoine Griez-mann ten goal khungna hun ṭha an neih an chhawr ṭangkai thei lo a, Netherlands international keeper Zoet chuan vawi 12 zet save neiin player 10 a khel PSV goal veng-himtu a ni.

Uruguay midfielder Pereiro hi Champions League chanchina red card hmu naupang ber a ni a, kum 20 leh thla riat chauha upa a la ni.

PSV hian kum 2008 September 16 hnua a vawi khat nan an khel-muala Champions league an khelhah goal an khung lo a, Dutch club hian an khelmualah hian group stage-ah Manchester Uni-ted, Wolfsburg leh CSKA Moscow te an lo hneh tawh a ni. Hetihlai hian an khingpui Atletico hian tun season-a a vawi nga nan Europe-ah goal an chhuah lohna chiah a ni ve bawk.

Manager pahnih  an lungawi

PSV Eindhoven boss Phillip Cocu chuan, "Kan result-ah ka lawm, goal kan chhuah loh avangin second leg-ah kan khung hlauh a nih chuan kan dinhmun a ṭha dawn hle," tiin a sawi.

Atletico Madrid boss Diego Simeone chuan, "Goal kan khung lo tih loh-ah chuan ka naute khelh danah lungawi loh-na tur a awm lo, kan khelmualah kan la inkhelh dawn avangin lungngaihna tur a awm lo a, goal chu kan la khung ang," tiin quarterfinal luh a inbeisei hle.

Atletico hian La Liga lamah inkhel hautak an hmachhawn zui dawn a, kar tawp hian Bernabeu Sta-dium-ah an elpui Real Madrid nen an inhma-chhawn zui leh nghal dawn a ni.