Lajong khelmualah DSK inlan dawn

Zanin dar 7:05-ah Shillong Lajong-in DSK Shivajians an mikhual dawn a, I League-a an dinhmun humhim zel turin Shillong club tan zanina an inkhel tur hi a pawimawh takzet.

Jawaharlal Nehru Stadium, La-jong-a team pahnih inhma-chhawn tur hi Ten Action chuan live-in an pe chhuak ang.

Lajong hian league table lamah paruk-na dinhmun an hauh mek a, point sawm hmuin an hnuai chiaha awm Mumbai FC aia an sanna erawh point khat chiah a ni.

Shillong Lajong hian an khel-mualah record an nei ṭha a, vawi thum inkhel an hmachhawnah vawi hnih hnehna an chang thei a, vawi khat an khingpui an inhnehtawkpui.

Team pahnih hi February 21 khan Shree Shiv Chhatrapati Sports Complex, Pune-ah an lo inhmachhawn tawh a, goal khat ve ve khungin an inhnehtawk. DSK tan Shillong khelmuala chak result hlawhchhuah a harsa dawn.