AC Milan-in Balotelli neih ngheh an duh

AC Milan president Silvio Ber-lusconi chuan Liverpool aṭang-a loan-a an hawh mek Mario Balotelli chu a ngheta neih an duh thu a sawi a, mahse an striker chu tun aia ṭhaa khel turin a beisei thung.

Kum 25-a upa Balotelli hian hliam vangin tun season-ah Serie A match a la khel tam lo a, league-ah goal hnih chiah a la khung.

Berlusconi chuan, "Balotelli hian theihna leh thiamna sang chungchuang bik tak a nei a, chu chu club hian a hmuh hmaih lo. Ani hi kan hnena awm reng turin kan duh a, mahse thuthlukna kan siam dawn erawh chuan ama khelh dan hian a zir a ngai," a ti.

Milan hi tun hnaiah inelna hrang hrangah match 10 chhung an tlawm tawh lo a, league table-ah parukna niin season thara Champions League khelh an bei-seina an la chhawm nung zel a ni.