Chamberlain a hliam

Arsenal midfielder Alex Oxlade-Cham-berlain chuan Thawh-lehnia zana Barcelona nen an inkhelh ṭumin a khupah hliam a tura a, Euro 2016 a khelh theih loh phah mai thei.

England midfielder hi Barca defender Javier Mascherano nen ball an inchuhnaah a inhliam a ni. A chawlh hun chhung tur hi la chiang lo mah se tun season-ah a hmel kan hmu tawhin a rinawm loh hle.

Kum 22-a upa Cham-berlain hi kar tawpa Manchester United nen league match an khelh turah a hmel kan hmu dawn lo chiang a, a hmun ruak luah tur hian Danny Welbeck, Joel Campbell leh Theo Walcott te an awm thung.

Arsenal chuan an midfielder hian Euro-a England aiawha inlan turin inbuatsaihna hun a neih tlem an hlauhthawn thu an sawi nghal a ni.