Sturridge-a'n Liverpool Chhuahsan a tum lo

Liverpool striker Da-niel Sturridge chuan tun hnaiah Anfield chhuah-san tum anga sawi ni mah se chhuah tumna a neih loh thu a sawi a, Merseyside club-ah chuan a hlim thu a sawi.

Tun hnaiah media
ṭhen-khatin Sturridge hi a inhliam ngun vanga sawisel a nih fo avangin a lungawi loin Liverpool chhuahsan a tum niin an tarlang a, English striker chuan hei hi dawt niin a sawisel a ni.

Kum 26-a upa striker chuan, "He thuthang dik lo avang hian ka lawm lo em em a, mahse hei hi football chu a ni miau a ni. Liverpool-ah hian hnathawh zawh loh tam tak ka la nei a, Reds hian hlawhtlinna tam tak a chan theih nan puih ka duh a ni," tiin Liverpool chhuahsan tumna a neih loh thu a sawi.

Tun season-a vawi kua chiah la inlan striker chuan khelmual chhunga inlan duh lo ang hiala an sawi chu amah zah lohna nasa tak a nih thu a sawi bawk.

Liverpool manager Jurgen Klopp chuan Stur--ridge-a inhliam reng vanga a rilru a buai thu a lo sawi tawh a, Reds tana lo khel tawh ṭhin player tam takin Liverpool hi Sturridge thlaktu tur stri-ker thar la lut turin an lo ti tawh bawk a ni.