Djokovic-a'n match 700 hnehna a chang ta

Novak Djokovic chuan mel lung pawimawh a phun leh ta, Nilaini zan khan Malek Jaziri hnehin match 700 hnehna a channa chiah a ni.

Dubai Duty Free Tennis Championships second round-ah world number 1 hian 6-1, 6-2 in hnehna a chang a, quarter final-ah chuan Feliciano Lopez a hmachhawn leh ang.

Serbian thiampuipa Djo-kovic hian kum 2014 Novem-ber thla khan match 600 hnehna changin hnu hma ropui a lo siam tawh a, hemi hnu hian match 106 khelh belh leh tawhin vawi ruk chiah chak loh a nei a ni.

Kum 1968 hnu lamah chuan Djokovic hi match 700 chak tling thei 12-na chiah a ni a, hnehna chang hem ber chu Jimmy Connors (1,254) a ni. Tuna tennis khel lai zingah chuan Roger Federer (1,067) leh Rafael Nadal (775) te chiah tluk loh a nei.

Kum 28-a upa Djokovic chuan, "Mel lung phun hian hlimna leh lawmna chu min thlen ngei a, inkhelh hmabakah pawh phurna min siamsak ṭhin. Player ropuite huanga ka hming a chuang ve tawh tur hi ka tan chuan a hlu hle," tiin a sawi.

Djokovic Match Win Milestones

Match Win Tournament Opponent

1st 2004 Davis Cup vs Latvia* Janis Skroderis

100th 2007 Umag, 1R Pablo Andujar

200th 2009 Indian Wells, 2R Martin Vassallo Arguello

300th 2010 Cincinnati, 2R Viktor Troicki

400th 2012 Australian Open, SF Andy Murray

500th 2013 Roland Garros, 3R Grigor Dimitrov

600th 2014 Paris, F Milos Raonic

700th 2016 Dubai, 2R Malek Jaziri