English midfielder ṭha ber Scholes - Deco

Chelsea midfielder hlui Deco chuan Premier League-a English midfielder zingah Paul Scholes chu ṭha a tih ber thu a sawi.

Portugal international hlui Deco chuan, "Player ṭha tak tak ka khelh pui tawh a, Liverpool captain Gerrard ka hmachhawn tawh bakah Chelsea-ah Lampard nen khelh dunna hun remchang ka nei bawk. Amaherawhchu English midfielder zinga ṭha ka tih ber chu Paul Scholes a ni a, ani hi English midfielder dang nen a dang hlak a ni," tiin Manchester United legend chu Steven Gerrard leh Frank Lampard te aia ṭha a tih zawk thu a sawi.

Barcelona tan pawha khel tawh Deco chuan sawi zelin, "Tun dinhmunah Real Madrid-in Luka Modric an kawl a, Barcelona-in Andres Iniesta an nei bawk. Kan inkhelh hun lai khan Xavi kha midfielder ṭha a ni. Tun lai chuan player tam tak hi ball pass thiam tak an ni a, inkhel thunun thei erawh an tam lo," tiin a sawi.