Dubai-ah Djokovic a hun a liam

Novak Djokovic-a'n Nilaini khan match 700 hnehna chang tlingin mel lung pawimawh a phun a, Ningani khan Dubai Duty Free Tennis Championship quarterfinal a khelh chhun-zawm leh nghal, mah-se world number 1 hi a mit (eye) na vangin a inkhel tluan thei lo.

Seeded pakhatna Djo-kovic leh Feliciano Lopez te hi set khat an inkhel hman a, a mitah harsatna a neih avangin Djokovic hian unforced errors vawi 17 zet nei nghalin set hmasa ber chu 6-3 in a hloh a, set hnihna a khelh chhunzawm thei loh avangin a inhnuhdawk.

Serbian thiampuipa hian tun hnai kum li chhung chu Dubai Open champion nomawi hi a chhawr ziah a, kuminah erawh a title a humhim thei dawn ta lo. Australian Open-a a champion hnua tour-na-ment a khelh lehna hmasa berah a vanduai ta a ni.

Grand Slam vawi 11 champion tawh Djokovic chuan, "Dubai ka thlen tirh aṭang khan ka taksa a hrisel tawk lo a, tun hnai ni hnih chhungin a zual deuh bawk. Ka mitah hian tun hmain harsatna ka la tawk ngai meuh lo a, taksa peng pawimawh a nih avangin inenkawl uluk a ngai," tiin a sawi.