Arsenal inkhelh hun tur a chiang

27th February, 2016

FA Cup fifth round replay khelh hun tur chu Football Association-in an ti chiang ta a, March 8 khian Hull City khelmualah champion lai Arsenal an leng lut ang.

FA Chief executive Martin Glenn chuan, "Kan club te hian ramchhung mai bakah Euro-pean competition-a hlawh-tlinna an chan theihna turin an inkhelh hun hi siam rem a ngai ṭhin a, UEFA lam pawhin kan ruahmanna min pawm sak avangin kan lawm hle," tiin a sawi.

March 8 khian Champions League inkhel a awm dawn a, Real Madrid, Roma, Wolfsburg leh Gent te an inlan dawn, Arsenal erawh an awl lai a ni thung dawn a ni.

Arsenal leh Hull-te hi February 20 khan Emirates Stadium-ah an lo inkhel tawh a, goal a luh avangin replay khelh a ṭul. An inkhelh leh hunah erawh inhnehtawk a awm theih tawh dawn lo a, a chak zawk zawk hian Watford an hmachhawn dawn a ni.