Mirza leh Hingis an chak lo

Sania Mirza leh Mar-tina Hingis te chu hnehtheih loh an ni bik lo tih a lang ta, nimin khan Elena Vesnina leh Daria Kasatkina te
ṭang dun lakah an chak lo a, Qatar Open quarterfinal aṭangin an tla.

Indo-Swiss duo hi 2-6, 6-4, 10-5 in an chak lo a, a zawna match 41 chhung teh meuh hneh lo tawng loa an kal tluan tawhna chu a tawp rih ta a ni.

Hmeichhe double world number 1 te hian tun dinhmunah Grand Slam pathum Wimbledon, US Open leh Australian Open champion nomawi an kawl mek.

Nikum September thlaa khelh US Open hnuah Mirza leh Hingis te ṭang dun hian hnehna an chang tluang hle a, Qatar-ah hian champion nomawi chawi thei chu ni se kum 1990 a Natasha Zvereva leh Jana Novotna te ṭang dun in record an lo siam tawh match 44 chhung chak zawn thei nihrual theihna hun an nei, mahse beisei angin thil a thleng ta lo a ni.

Hmeichhe double-a hnehna chang zawn rei ber te chu Martina Nav-ratilova leh Pam Shriver te
ṭang dun niin American pair hian kum 1983-1985 khan match 109 chhung zet a zawnin hneh loh an tawng lo.