Neymar-a'n contract thar la ziak lo

Tun hnaia Barcelona chhuahsan tur anga thawm nei reng Neymar chuan Catalan club-ah contract thar a la ziah loh thu a pa Neymar Santos Sr. chuan a sawi.

Brazil captain hian tun hnaiah Nou Camp-a 2021 thleng cham turin contract thar a ziak nia tarlan a ni a, mahse hei hi a pa chuan phatsakin Real Madrid nen inbia anga an sawina pawh dawt a nih thu a sawi a ni.

Neymar Sr. chuan, "Neymar hian Catalan club tana khel turin kum hnih lai contract la nei mah se keini pawhin contract thar a ziah thuai kan beisei a, fan-te pawh rilru hahdam takin an awm theih phah dawn a ni," tiin a fapa chungchang a sawi.