Bellingham bawk a vul leh ta

Real Madrid chak thu ziah tawha ziah lan tel zel ngai pakhat a awm a, chu chu Jude Bellingham-a'n goal a khung thu a ni - Thawhlehni zan khan Champions League-ah Bellingham hian goal a khung leh ta a, Real chu Sporting Braga lakah 2-1 in hnehna a chanpui.

Real tan Santiago Bernabeu-a lungawi lohna nei anga an sawi Rodrygo chuan minute 16-naah goal hmahruai a khung a, Jude Bellingham chuan minute 61-naah a belhchhah bawk.

Bellingham goal khung aṭanga minute hnihna lekah Braga tan Alvaro Djalo chuan si phurh sut ṭhenin, Portuguese club tan beiseina siam mah se hun tawp thlengin goal dang a lut tawh lo a, 2-1 in Real Madrid an chak.

Carlo Ancelotti naute hian Champions League match thum an khelhah hnehna la chang vekin, point kua nen group C-ah hma an hruai mek a, Spanish club hian round of 16 chu an lut ngei dawn niin a lang.

Estadio Municipal de Braga-a inkhelah Real-in inkhel an thunun a, Rodrygo goal khung pakhat zawk pawmsak a ni lo a, Vinicius Junior pawhin an goal thumna a khungah inngai mah se offside vangin pawmsak a ni lo.

Inkhel boruak a 'hot' a, hun tawp hamrik ham a nih rualin boruak a awm zui - Real Madrid defender Antonio Rudiger chu a ṭhianten veng chunga an chhuahpui a ngai hial a, team pahhnih inkarah thil rorum a thleng.

A tawpa sawi zui hlawh ber erawh Bellingham tho a ni a, English midfielder hi inkhela hmuhnawm bera chhal ngam a ni - a goal khung ngei tur nia lang Braga keeper Matheus-a'n a lo dan hmante chu uiawm a tling.

Goal erawh a khung ta tho a, tun season Champions League match thum a khelha goal thum a khungna chiah a ni - league match kua khelin goal riat a khung tawh bawk a, Borussia Dortmund midfielder hlui hian inelna hrang hrangah match 12 khela goal 11 khungin, assist vawi thum a nei tawh a ni.

Group C inkhel dangah Napoli chuan 2-1 in Union Berlin an hneh bawk a, Giacomo Raspadori chuan inkhela goal awmchhun a khung - Italian club hian match thuma point ruk hmuin, Real hnuai chiahah an awm.