Bayern Munich tan Harry Kane a vul

Istanbul-ah Bayern Munich-in Galatasaray 3-1 in an hneh a, German club hi an chak awlsam lo - Harry Kane-a goal leh assist hmangin an chak.

Bavarians hian bul an ṭan ṭha a, Kingsley Coman-a'n minute riatna lekah a khung. Mahse, Turkish club an insiamṭha a, Bayern keeper Sven Ulreich a rim hle.

Mikhual team-in penalty an chawi a, Old Trafford-a penalty hlahtu Mauro Icardi a rawn ding chhuak. Argentine forward hian a pet out tawh lo, panenka ngatin minute 30-naah siphurh a sut.

England captain Kane a reh a, Galatasaray tlarhnung an thawk ṭha. Mahse, minute 73-naah Kane a rawn inlan zeuh a, English striker hian Jamal Musiala siam chu a khung. Minute ruk hnuah Kane hian Musiala hi a siamsak let bawk.

Galatasaray hian hun tawp dawnah siphurh sut ṭhenah an inngai a, mahse Abdulkerim Bardakci-a'n a kut a hman tel avangin pawm a ni lo. Bayern an chak a, mamawh chhannn chu Kane a ni.