CAS hnenah Halep a zualko

Damdawi hman phal loh a hmang tih hmuh chhuah a nih avangin Simona Halep an hrem mek a, world number 1 hlui hian dan a bawhchhe lo a ni tih fiah tumin infiamna lama thubuai ngaihtuahtu sang ber Court of Arbitration for Sport (CAS) hnenah a zualko.

Nikum September thla khan International Tennis Integrity Agency chuan Halep hi a hrem ṭan a, inkhel thei loin kum khat chuang a awm tawh. CAS chuan Thawhlehni khan Halep-i case hi an ziak lut tih an sawi.

CAS hian infiammi thubuai nei tam tak lakah zahngaihna a lo lantir tawh a, player ṭhenkhat phei chu an thiam lohna hmu loin a lo dah zalen tawh ṭhin - Halep pawh hian a dikna chanvo ang neih ngei a tum.

Halep hian tun hmain Grand Slam nomawi pahnih a chawi tawh, French Open leh Wimbledon title la tawhin, a vanglai chuan khawvel hmeichhe tennis player ṭha berte zinga mi a ni phak.